专家拆局：般尼回勇唔怕圣人

周六晚英超上演中游大战，修咸顿主场斗般尼。般尼近期联赛走势回勇，喺多支前列分子身上都抢到分，表现够晒硬淨，呢场对住有主力中场禾特普斯缺阵嘅「圣人」，般尼有本钱乘势再取佳绩，让球客胜唔好错过。

般尼圣诞新年期间曾吞下联赛4连败，低迷状态一度令人担忧，但球队喺领队戴治调教下，近期表现强势反弹，面对李斯特城、曼联同阿仙奴3支强敌的挑战，般尼喺近3仗联赛硬仗，交出2胜1和骄人战绩，期间只係失过1球，防守表现大有改善，加上英超正值歇冬期，球队上周末轮空可以抖到足，可以养精蓄锐以最佳状态，争取延续联赛不败走势。

修咸顿两线接连受挫

修咸顿嘅近况同般尼啱啱好相反，「圣人」喺新年前后一度踢出6轮联赛不败走势，可惜继上轮联赛以0比4遭利物浦痛击之后，上仗英足盃又以2比3畀热刺淘汰，士气受挫之馀，主力中场禾特普斯仲喺该仗整亲，呢场因伤倦勤，必定削弱修咸顿进攻组织质素，面对般尼后防铜墙铁壁，丹尼艾格斯等「圣人」前锋随时冇啖好食，仲有随时被般尼偷鸡嘅危机，捧番让球主胜最稳阵。