推荐预测：流浪者光辉博半大

流浪者光辉博半大

防线甩漏唔集中

澳职周五上演大战，西悉尼流浪者会喺主场迎战珀斯光辉。西悉尼流浪者近期连赢两仗后，升上联赛次席，多位前线球员进入状态，入球能力大大提升，不过今仗对战两军早段防守向来唔集中，经常喺比赛初段失波，预料上半场会出现唔少入球，中位数1.5球球半场大值博。

流浪者上场惊涛骇浪下以4比3反胜威灵顿凤凰，卡华美耶保亚、米歇尔杜基等攻击球员都有好表现，不过令球迷担心係流浪者呢场波开赛7分钟已经失守，係佢哋近5仗之中第4次喺开赛10分钟内失波，后防专注力不足、入局慢嘅问题非常严重。尤其流浪者连胜后信心爆棚，主场出击必定想尽早抢攻，加上门将赞积杜域有伤，后衞丹尼尔佐治夫斯基上阵成疑，防守力受损，更令半场大开出机会大增。

光辉入得又失得

作客嘅珀斯光辉今季以「有前冇后」见称，场均2.3个入波同2.2个失球都係今季澳职最高。同样地，珀斯光辉上半场防守极唔集中，今季9场联赛当中只有1场喺上半场保持不失，而且对上6场联赛，有5场半场总入球开2球或以上，今仗好大机会喺换边前再演入球大战，要半场大啱数。