专家拆局：车仔主场慢热追半和

H组榜首大战，车路士主场迎战阿积士。车仔上轮虽然作客击败阿积士全取3分，不过佢哋今季主场发挥冇作客咁好，而且佢哋依家对赛成绩好过阿积士，今场和波冇蚀底，主场让半一唔值博；车仔近6场主场只试过1次半场领先，踢法慢热，转捧半场和更明智。

车仔目前喺H组与阿积士3战同得6分，基于车仔上轮作客1比0击败阿积士，换句话讲，车仔只要今场唔输，一旦最终同分计对赛成绩，车仔肯定可以压过阿积士，形势上和波冇坏。车仔自从喺英超揭幕战输畀曼联0比4后，作客已喺各项赛事累积7连胜，追平咗球会最佳纪录，相反佢哋今季喺主场却经常失准，除咗欧联分组赛首战输畀华伦西亚0比1，上周中喺英联盃16强亦畀曼联踢出局，睇番佢哋对上6场主场比赛，只係喺英联盃对乙组仔甘士比试过半场领先，其馀5战上半场只得3和2负，入局慢难抢先机。

阿积士10场作客未输过

阿积士上轮分组赛虽喺主场全失3分，但表现唔算太曳，佢哋近2场联赛先后轻胜飞燕诺及施禾利，球员寓赛于操，可以专心应付今场榜首大战，而且阿积士今季喺各项正式赛事10场作客未输过，唔排除佢哋有机会喺主场偏弱嘅车仔身上抢分成功。既然今场胜负难料，不如转敲半场和，车仔头3场欧联分组赛全开半场和，有迹可寻值得再追。