摘要：华Dee当弗张牙舞爪今晚英超两支「异军」正面交锋，水晶宫将于主场迎战「狐狸」李斯特城。「李城」上轮联赛9比0血洗修咸顿令球迷哗然，占美华迪及占士麦迪臣等火力全开；水晶宫防守一般，不过今季主场只曾输过畀...
华Dee当弗张牙舞爪
今晚英超两支「异军」正面交锋，水晶宫将于主场迎战「狐狸」李斯特城。「李城」上轮联赛9比0血洗修咸顿令球迷哗然，占美华迪及占士麦迪臣等火力全开；水晶宫防守一般，不过今季主场只曾输过畀曼城，为抢分随时以攻代守，两军斗攻格，中位数2.5球入球大係信心之选。
喺领队罗渣士带领下，李斯特城近况可用大熟大勇嚟形容，尤其一班射手操到弗晒，上轮9比0血洗修咸顿，平咗英超史上最大胜仗等多项纪录，其中曾带领「狐狸」喺2015至16年球季奇迹夺冠嘅老臣子「华Dee」占美华迪就，大演帽子戏法，联赛已经累积轰入9球，喺射手榜一跃升上前列位置，明显宝刀未老，有佢带住占士麦迪臣同哈维班尼斯等后起之秀，兼有助攻力超强嘅左闸芝维尔频频后上提供侧击支援，「狐狸」进攻够晒立体，今季10轮联赛，当中有8场都能取得入球，等閒之辈绝对招架唔嚟。
鹤臣多计仔 或以攻代守
水晶宫上场联赛喺落后两球劣势下，死咬唔放最终作客2比2逼和同城劲敌阿仙奴，韧力十足，不过该仗两个失球都要怪后衞盯漏人，亦暴露出佢哋防线欠稳嘅问题，虽然主将韦费特沙夏无论状态同入球数字都未及上季，但另一射手佐敦阿休喺联赛入咗4粒，叫做填补到火力空缺，老帅鹤臣喺足坛打滚多年，出名足智多谋，主场或放手一搏斗攻，寻求抢分机会。
况且作客嘅「狐狸」防线亦唔见得稳阵，近8场联赛仅2次保持不失，7次开3球或以上，上周中英联盃斗甲组仔伯顿都要失波，今场中位数2.5球入球大值得留意。
