摘要：盃赛拆车信心返晒嚟今晚英超头场般尼茅夫主场对曼联。中游球队嚟讲，般尼茅夫绝对係攻强于守，从来唔会泊大巴，故对亲强队都冇乜好结果，素有「Big6点心」之称，难得红魔鬼近几场顺番，少让平半上盘抵博，进取啲...
盃赛拆车信心返晒嚟
今晚英超头场般尼茅夫主场对曼联。中游球队嚟讲，般尼茅夫绝对係攻强于守，从来唔会泊大巴，故对亲强队都冇乜好结果，素有「Big 6点心」之称，难得红魔鬼近几场顺番，少让平半上盘抵博，进取啲可以投注客胜。
「般茅」上季排14，但失球数字却係第3多，如果唔係攻力有番咁上吓，随时要护级，不过不得不佩服领队艾迪侯域嘅勇气，就算手执副牌唔算靓，都敢于同对手进攻，今季睇得出佢明显加强咗防守，但针冇两头利，守得稳咗嘅同时亦影响咗入球率，近3场联赛都冇进帐，呢点相信艾迪侯域都好头痛。
般尼茅夫係「Big 6点心」
不过，艾迪侯域嘅策略好清晰，就係尽量对同级球队抢分，对住Big 6反而冇乜压力，呢方面可以从佢哋对Big 6球队嘅成绩反映出嚟，近28场联赛输咗24场，百分比高达86%，以佢哋排名嚟讲算高，故曼联今场只係少让平半，盘口其实相当吸引。
至于曼联大家唔可以好似以往咁，用一支强队嘅标准去评价佢哋，但作为一支排6、7名左右嘅欧霸球队，佢哋依家有一定实力，尤其係经过季初低迷嘅成绩，球迷对佢哋嘅要求已大减，近几仗喺冇乜压力嘅情况下反而交到好成绩，连赢3场作客赛事，而佢哋亦似乎搵到自己定位，做好稳守突击嘅工作。
马迪尔上阵帮到手
普巴嘅缺阵，某程度上对曼联嚟讲係好事，起码落场嘅球员都会走多一步，以斗志行先，拉舒福特虽然屡受批评唔係9号人选，但周中联赛盃对车仔射入世界波，相信有助佢提升信心，而安东尼马迪尔近期落到场亦帮到手，配合丹尼尔占士及麦汤米尼等朝气球员，曼联攻力肯定唔係超班，但起码肯走肯搏先，今场一于投以信心一票。
