专家拆局：爱尔兰作客瑞士再追半和

欧国外转入最后直路，唔少球队陆续攞到决赛周席位，今晚上演D组、F组及J组赛事，爱尔兰同西班牙都有机会提早出线。先讲D组榜首爱尔兰作客斗瑞士，爱尔兰现时领先第3位嘅瑞士4分，今场只要赢波便可稳夺决赛周入场券，不过佢哋今届6场欧国外只入6球失2球，上场作客弱旅格鲁吉亚都赢唔到，呢场对住实力更高嘅瑞士相信会更难打。瑞士上场作客丹麦输0比1，今届欧国外首次输波，赛后落后爱尔兰及丹麦4分，出线形势告急，「瑞士美斯」梳顿沙基利有传不满主帅柏高域任命格列沙加做队长，连续2次国际赛被弃用，大大影响瑞士进攻能力，主场出击难佔甜头。总计各项赛事在内，爱尔兰近12场有10次开半场和，今场值得再追。

西班牙恰惯瑞典吼客胜

至于F组嘅西班牙会作客斗瑞典。西班牙上场作客挪威喺补时阶段输12码，被挪威逼和1比1未能提早晋级，不过佢哋仍然领先排第2嘅瑞典5分，只要今场和波便可锁定出线资格。西班牙上场正选11人来自11间唔同球会，係近99年来首次出现呢个情况，默契自然打折扣，好彩经过上场「热身」，今场表现应该有改善。瑞典近年阵容严重老化，上场4比0赢马尔他嘅正选阵容，有8人係年近或者超过30岁，包括梅开二度嘅34岁老将施巴斯坦拿臣，活力欠奉；相反西班牙近年有洛迪高摩连奴、丹尼施巴路斯、奥耶沙巴尔及洛迪卡斯简迪等小将掘起，加上近3次交锋西班牙全部赢晒，有格食格味道，西班牙作客有力赢波晋级，客胜可捧。