摘要：今晚欧国外E组焦点战，当然係斯洛伐克主场迎战威尔斯。「红龙」过于倚赖加里夫巴利数胡，佢一旦被冻结即刻死晒火，今届欧国外入得4粒咁大把，造访回勇嘅「2哥」斯洛伐克，凶多吉少，斯军让平半，上盘捧得过。威尔...
今晚欧国外E组焦点战，当然係斯洛伐克主场迎战威尔斯。「红龙」过于倚赖加里夫巴利数胡，佢一旦被冻结即刻死晒火，今届欧国外入得4粒咁大把，造访回勇嘅「2哥」斯洛伐克，凶多吉少，斯军让平半，上盘捧得过。
威尔斯喺上届欧国盃决赛周杀入4强，可惜之后无以为继，包括今届4场欧国外只得2胜2负，目前只排第4，落后榜首克罗地亚4分。事实上，威尔斯过于倚赖加里夫巴利数胡嘅情况未有改善，但呢位皇马球星状态飘忽，只要盯死佢，「红龙」进攻就会冇晒火。虽然今次重召中场艾朗蓝斯，但佢好番冇耐状态一般，而季初坚抢镜嘅曼联翼锋丹尼尔占士，近期愈踢愈沉，威尔斯喺今届4场欧国外入得4球，攻力都几疲弱。
克罗地亚够炒匈牙利
斯洛伐克喺今届欧国外5战获3胜2负，虽然上次对「红龙」输0比1，但之后表现复甦，连热身赛在内，近4场取得3胜1负狂轰12球，为保「2哥」位及报番一箭之仇，战意唔使怀疑，上盘抵捧。
同组嘅前列大战，克罗地亚主场对匈牙利，「格仔兵团」虽有守将马迪积米祖域因伤退队，但今次有伤愈嘅拿杰迪锡归队，拍住队长莫迪历中场赢晒，相反匈牙利有后衞巴拉夫今仗要坐波监，加上客场一向唔掂，此消彼长下，预计克罗地亚应可赢到呢场关键战，直取让球主胜。
