专家拆局：利物浦守城吼让球和

老友拗手瓜熟晒路

英超BIG 6地位近年可谓稳如泰山，过去5季就有4季前六位置由Big 6包办，唯一动摇到就係2016年李斯特城奇迹性封王，今季「狐狸」开个靓头暂佔第3，究竟有冇机会突破六雄垄断局面？今晚作客联赛7连胜嘅利物浦会係最大考验。乐比认为「红军」今场小胜机会高，捧让球和及半场入球细。

虽然英超只踢咗7轮，但几乎所有人已认定，今届冠军係曼城与利物浦之争，因为两队踢嘅係完全两个世界嘅足球。利物浦开季以来发挥稳定，联赛7连胜稳佔榜首，纵使穆罕默德沙拿偶尔被批评踢法独食，但「埃及文明」总算合作愉快，三人合共包办11个入球。

翻查利物浦对上一次联赛主场输波纪录，已经係2017年4月输畀水晶宫，换句话讲利物浦已经接近两年半主场未输过，上季主场胜率更接近九成，所以反利物浦唔单止需要极大勇气，而且仲极大风险，乐比真係唔建议咁做，倒不如小敲分头不俗嘅让球和，博红军险胜一粒。

李斯特城未试过输多过1球

李斯特城自今年2月由罗渣士接掌后，确实令队波进步唔少，去季收咧前3场分别大胜阿仙奴3比0、仅败曼城0比1及和车路士0比0，已证明佢哋同Big 6嘅距离相当接近，季初对Big 6嘅3仗成绩分别为1胜1和1负，亦再次印证咗以上论点，故今场对利物浦唔係话冇得打。

罗渣士作为利物浦嘅前领队，高普嘅上一手，佢对利物浦嘅踢法肯定有充分理解，事实上两人关係非浅，当年高普入主利物浦嘅时候因为搵唔到屋，罗渣士直头畀间屋佢住住先，两人私底下亦有联络，甚至称得上係老友，话唔定罗渣士会喺蛛丝马迹中搵到破敌之计。

睇番数据，罗渣士接掌李斯特城后只係输过4场，从未输多过1球，利物浦今场要赢多过1球唔易，而罗渣士执教嘅17场联赛当中，只有2场半场总入球多过1球，可见李城上半场嘅踢法係极其保守，玩半场细啱数。