摘要：衞冕西甲嘅巴塞隆拿早场作客基达菲，巴塞集多项不利条件于一身，球王美斯受伤缺阵，肯定影响攻力，加上球队今季作客成绩非常不济，只得2和2负，下个星期又有欧联顾虑，今场点睇都係大镬，不过基达菲实力始终有限，...
衞冕西甲嘅巴塞隆拿早场作客基达菲，巴塞集多项不利条件于一身，球王美斯受伤缺阵，肯定影响攻力，加上球队今季作客成绩非常不济，只得2和2负，下个星期又有欧联顾虑，今场点睇都係大镬，不过基达菲实力始终有限，估计巴塞点都赢到，但大炒就有啲难度喇，不如捧中位数2.5球入球细。
啱啱当选世界足球先生嘅美斯，因为美洲国家盃受伤抖咗73日，上周欧联作客多蒙特复出，以为球队可以喺佢带领之下重上正轨，点知周中联赛正选对维拉利尔，32岁嘅阿根廷球王受伤离场，事后证实食胡左脚肌肉受伤，今场唔使预佢。
巴塞开季联赛3战主场全胜，但作客表现真係曳到爆，连同欧联作客多蒙特赛和0比0，巴塞近4场客战仅得2和2负，当中只得1场入到球，作为一支雄霸西甲多年嘅班霸，呢张成绩表绝对唔见得人。係人都知巴塞有「美斯依赖症」，相信短期内，巴塞作客唔掂嘅缺点唔会咁快改善到。
基达菲主场好守得
主队基达菲一向以稳阵防守见称，主场威力亦不俗，连欧霸在内今季主场4战2胜2和，即使面对巴塞亦有一战之力。翻查往绩，巴塞近5次作客基达菲全开3球或以下，依家嘅巴塞作客火力更弱，唔会咁易出现大手交易，捧2.5球入球细。
