摘要：30岁对唔少球员嚟讲係一个分水岭，踏入「3字头」就会被开始视为老将，状态、身价都必定向下滑，不过对于瑞典神锋伊巴谦莫域嚟讲，年龄根本完全唔係问题，甚至有数据显示，伊巴谦莫域踏入30岁之后，入球数字及入...
30岁对唔少球员嚟讲係一个分水岭，踏入「3字头」就会被开始视为老将，状态、身价都必定向下滑，不过对于瑞典神锋伊巴谦莫域嚟讲，年龄根本完全唔係问题，甚至有数据显示，伊巴谦莫域踏入30岁之后，入球数字及入球率反而大大提升，真係愈老愈可爱！
现年37岁嘅伊巴谦莫域，上场美职入波，係佢30岁之后第300个入球，统计显示佢30岁生日前，上阵525场攻入232球，场均入球率为0.44球，但30岁之后踢371场就入300球，场均入球率急升至0.81球，认真夸张呀！
伊巴谦莫域30岁前，效力马模、阿积士、祖云达斯、国际米兰同巴塞隆拿，并且喺AC米兰度过30岁生日，之后就踢巴黎圣日耳门、曼联同埋洛杉矶银河。唔少球迷会认为，伊巴谦莫域临老去美职「刷数据」，但查实佢喺圣日耳门嘅时间已经大丰收，4季丧入156球，今季佢喺美职射入27球，亦刷新咗银河喺美职个人单季联赛入波最多纪录，淨係近2场斗肯萨斯体育会及蒙特利尔冲击已经入4球，协助球队取得2连胜。
银河访盐湖城大盘要跟
周四早上银河作客斗皇家盐湖城。两队目前仲未稳入季后赛，呢场一样要搏尽，既然伊巴谦莫域近期状态弗到漏，皇家盐湖城近5场主场赢4场，水准亦好稳定，今场捧3/3.5球大盘最稳阵。
