专家拆局：普雷斯顿曼城斗入波

英联盃今明两晚上演第3圈比赛，力争3连霸嘅曼城衞冕第一击将会作客英冠球队普雷斯顿。曼城前线人才鼎盛，不过后防因为伤兵问题人脚捉襟见肘，对住近况唔错嘅英冠3哥普雷斯顿，相信会有唔少入波出现，中位数3.5球大盘好路。

曼城啱啱喺联赛8比0大炒屈福特，开波头18分钟已轰入5球，破晒英超纪录，气势一时无两，虽然哥迪奥拿惯性喺英联盃大幅换轮，不过佢哋后备席上有加比尔捷西斯、根度简、祖奥简斯路、辛真高等国脚级人马，战力唔会差得去边，而且季初大勇嘅史达宁上场冇落场，今场有机会担正，进攻火力绝对有保证。

不过曼城今场都有一定隐忧，一对中坚史东斯及拿朴迪继续倦勤，哥迪奥拿上场已搵费兰甸奴伙拍奥达文迪扼守中路，能够保持不失只因屈福特锋力太弱及把握唔到。普雷斯顿现时喺英冠排第3，只比榜首列斯联少1分，表现稳定有力冲击升班资格，而且佢今季8场联赛入14球，係英冠入球第2多球队，加埋盃赛佢哋今季5场主场比赛攞到4胜1和，并非任人鱼肉，乘曼城后防唔齐脚入到波唔奇，捧大盘稳阵。