摘要：今晚英超头场上演李斯特城主场斗热刺，李斯特城近年斗Big6输多赢少，好似上周末就被红魔鬼曼联打破今季联赛不败身，而且佢哋最近5次斗热刺输足4次，今场唔使让波都信唔过，平手盘捧客军热刺。「狐狸」李斯特城...
今晚英超头场上演李斯特城主场斗热刺，李斯特城近年斗Big6输多赢少，好似上周末就被红魔鬼曼联打破今季联赛不败身，而且佢哋最近5次斗热刺输足4次，今场唔使让波都信唔过，平手盘捧客军热刺。
「狐狸」李斯特城近年阵中出现唔少好球员，中前场有占美华迪、占士麦迪臣及泰利文斯，防守就有丹麦门神卡斯柏舒米高，不过「桐油酲始终係装桐油」，李城近年拍埋Big6完全未够班，连同上个礼拜作客输畀曼联0比1，李城近8次斗Big6只得1胜3和4负，当中热刺更加可以讲係佢哋头号剋星，对上5次碰头热刺赢咗4次，合共轰入17球，淨係哈利卡尼及孙兴民已包办咗10球，简直当李城后防冇到。
孙兴民复任正选有火
热刺周中欧联作客奥林比亚高斯虽被逼和2比2，不过孙兴民只係后备落场20分钟，相信今场可复任正选，呢名南韩国脚上个礼拜斗水晶宫梅开二度，带领球队大胜，但係周中依然未能博取主帅普捷天奴信任仅做后备，谷埋谷埋今场随时大爆发，信往绩捧热刺。
