专家拆局：华伦作客谨慎细塞车

周三凌晨欧联H组大战，车路士将会主场硬撼华伦西亚。名宿林柏特领军嘅车仔今季大打青春风暴，不过一班年轻球员喺主场球迷面前表现反而比较拘谨，加上「蝙蝠军团」出战欧联小组赛不嬲谨慎行事，呢场作客肯定死守应战，战况随时陷入僵局，中位数2.5球入球细好路。

车路士小将主场放唔开

林柏特今季执起车仔教鞭之后，勇于起用队中年轻新才俊，除上季跟随林柏特喺打比郡征战嘅美臣蒙特频频获得上阵机会之外，谭美阿巴谦亦逐渐坐稳正选前锋位置，一班小将好争气，用实际表现回馈主帅嘅信任，可惜佢哋喺主场出击发挥就有待改善，早前2次联赛主场都赢唔到波，先后遭李斯特城同锡菲联逼和，为免欧联受联赛主场走势影响，车仔呢场未必敢轻易冒进。

欧联大战前夕华伦内部自乱阵脚，前主帅马些连奴因同班主林荣福意见不合结怨，最终畀后者辞退，由前西班牙U21领队施拿迪斯接任，上任仓促嘅施帅出师不利，首战喺联赛就以2比5不敌劲敌巴塞隆拿，嚟紧出战欧联为免再出现尴尬赛果，取态肯定更加保守，呢场可以喺客场带走1分，相信对华伦嚟讲已经相当满意，况且「蝙蝠军团」近6场欧联分组赛全开2球或以下，中位数2.5球入球细值得再追。