专家拆局：拿玻里砌红军大无畏

欧联主场专剋英超兵

今届欧联分组赛今晚正式开打，其中E组首轮焦点战，上届冠军利物浦作客硬撼拿玻里。两军连续两届喺分组赛碰头，真係冤家路窄，拿玻里于欧联主场专剋英超球队，近5次主场出击4胜英超兵，今场即使对住红军都唔会做缩头乌龟，红军「埃及文明」锋线又弗到震，斗攻格局必捧2.5球嘅大盘。

拿玻里近年係欧联常客，主帅安察洛堤更曾带领AC米兰两夺欧联冠军，而且执教过车路士，除咗经验坚丰富外，面对英超兵亦有一定心得。拿玻里上届分组赛亦同利物浦同组，2次对赛各得1胜，可惜最终与红军同得9分，因得失球较差黯然出局，今届难得再度碰头，梗係要报仇喇。事实上，拿玻里嘅高强度压迫踢法一直剋住英超兵，近5次于欧联主场面对英超球队获4胜1负，箭头梅顿斯日前联赛省两粒，另一前锋恩斯治尼亦告复出，连同啱啱加盟、上季效力热刺嘅中锋洛兰迪候命，攻力有保证。

利物浦「埃及文明」弗爆

利物浦喺头5场英超全胜，兼攞埋欧超盃，气势如虹，不过佢哋作客表现唔及主场，即使火力强大，但防守却例必走样，红军上届6场欧联作客，只得2胜4负，其中近4次欧联客战只得2胜2负，全开3球或以上。而且正选门神艾利臣比加仍要养伤，由副选门将阿祖安卡斯迪路把关今季打咗6场，只得1场冇失波。好彩「埃及文明」锋线穆罕默德沙拿、罗拔图法明奴同沙迪奥文尼保持水准，联赛连欧超盃在内，红军今季所入嘅17球中，3人就佔咗12粒，弗到冇朋友，今仗势必以攻代守，推介2.5球大盘。