摘要：想晋级焗攻冇得守欧联16强次回合爆骚！首回合落后0比1嘅热刺，今晚作客「德国狂牛」RB莱比锡，想晋级冇得谂，一定要丧攻，可惜佢哋后防不稳，近7场全部有失波，随时畀更多空位RB莱比锡打反击，加上热刺近5...
想晋级焗攻冇得守
欧联16强次回合爆骚！首回合落后0比1嘅热刺，今晚作客「德国狂牛」RB莱比锡，想晋级冇得谂，一定要丧攻，可惜佢哋后防不稳，近7场全部有失波，随时畀更多空位RB莱比锡打反击，加上热刺近5场欧联作客全开4球或以上，2.5球嘅大盘抵玩！
热刺季中请嚟「寸王」摩连奴上任，谂住大展拳脚，点知上季取得好成绩嘅两位关键功臣哈利卡尼同孙兴民齐齐重创，如意算盘打唔响，仲搞到两头唔到岸，现时仲要为联赛前4苦苦挣扎，欧联只掹水入到淘汰赛，首回合落后只有作出取捨，因此日前联赛对般尼畀部分主力休息，不过最终又因防线甩漏，只能以1比1逼和般尼，今晚16强次回合对RB莱比锡，势必以攻代守力求翻盘。
迪姆华拿恨入波证明自己
比较好彩嘅係，热刺阵中球员好多都经历过上季欧联4强，当时热刺首回客亦曾于主场不敌阿积士0比1，不过次回作客反胜对手3比2晋级，预计热刺今仗即使欠缺「哈神」同孙兴民，摩连奴亦会以卢卡斯莫拉、迪利阿里同贝云积等强攻对手，锋力仲有一定信心。
「德甲狂牛」RB莱比锡今季欧联同联赛均表现出色，预期前场压逼嘅踢法，会畀到热刺中后场甚大压力，如果今仗热刺採取主动，后防将会出现更多空位，尤其前锋迪姆华拿受到各大欧洲球会包括利物浦嘅青睐，如果可以继首回合后再攻入热刺大门，证明佢去到英超都啱使啱用。
摩连奴虽然以防守战术见称，但热刺今季防守力唔算强，尤其近仗更出现严重漏洞，近7场全部有失波，相信今场只要出现首个入球，双方都会疯狂进攻，既然热刺近5场欧联作客全开4球或以上，今场中位数2.5球大盘变得好抵买。
