摘要：近6场联赛赢5仗今日连场好波，阿King梗係搵到好嘢嚟过关，其中下午澳职独脚戏中岸水手主场斗阿德莱德联值得留意。水手积弱多时，今季毫无起色，撞正连场报捷嘅阿德莱德联，睇怕都凶多吉少，客胜不容错过。上季...
近6场联赛赢5仗
今日连场好波，阿King梗係搵到好嘢嚟过关，其中下午澳职独脚戏中岸水手主场斗阿德莱德联值得留意。水手积弱多时，今季毫无起色，撞正连场报捷嘅阿德莱德联，睇怕都凶多吉少，客胜不容错过。
上季常规赛包尾收场嘅水手，今季持续不济，依家都係排紧包尾，单计近5场联赛只得1胜4负，真係低处未算低。相反，阿德莱德联弗到漏油，自从10月尾喺澳足盃决赛大炒墨城4比0，衞冕成功后，近6场联赛豪取5胜1负，进攻中场拉利麦基尔更有5球进帐，脚风超顺，加上近6次交手阿联赢晒，包括11月中曾造访水手轻取3比1，摆明格食格，今次再访「福地」冇甩拖，客胜有计。
皇马抢缰捧半场胜
至于意甲头场阿特兰大主场对AC米兰，阿特兰大一向好「大」喜「攻」，连盃赛在内，近6仗有5次开3球或以上，入得又失得，绝对唔怕同AC斗攻，2.5球嘅大盘咪错过。
西甲尾场，皇马主场迎战毕尔包，毕尔包后衞安达卡柏坐波监，防守削弱，皇马上周中国家打吡形势大好下打和巴塞坚唔抵，相信今仗会更加抢缰，加上近4次主场出击，有3次喺上半场取得领先，半场主胜可追。
