摘要：红魔天残地缺今晚英超头场之一，「锤仔帮」韦斯咸于主场硬撼曼联。「红魔」依家伤兵成箩，连超新星丹尼尔占士都伤埋，主帅苏斯克查牙痛咁声，而且作客联赛已经6个月未赢过，加上韦斯咸近年主场对曼联特醒，仲有得受...
红魔天残地缺
今晚英超头场之一，「锤仔帮」韦斯咸于主场硬撼曼联。「红魔」依家伤兵成箩，连超新星丹尼尔占士都伤埋，主帅苏斯克查牙痛咁声，而且作客联赛已经6个月未赢过，加上韦斯咸近年主场对曼联特醒，仲有得受让必捧让球主胜。
曼联虽于上场联赛险胜李斯特城1比0，终止3场不胜颓势，但入球只係靠拉舒福特操刀嘅12码。事实上，「红魔」全场组织溷乱，明显同保罗普巴、安东尼马迪尔等中前场主力养伤有关，目前佢哋依然仲未康复，今仗好大机会冇份上阵。好衰唔衰，季初频有进帐嘅超新星丹尼尔占士，因伤呢几日都冇操练，好大机会倦勤，中前场可谓天残地缺，主帅苏斯克查巧妇难为无米之炊。
曼联作客有心魔
除此之外，曼联另一大问题係客场坚曳，自3月中起，跨季近6场作客联赛，只得3和3负，即係6个月作客联赛未赢过，似乎有一种「客场心魔」困扰住佢哋，总係一离开主场就冇晒信心。
另一边厢，韦斯咸自首轮惨吞曼城5蛋后，逐渐重拾佳态，近5场取得3胜2和，而且连续3场保持清白之身，主帅比历连尼刻意变阵451阵式，係成功巩固防线嘅关键。随住耶莫兰高、兰仙尼等伤愈复出，令箭头施巴斯坦贺拿唔愁冇打反击机会，呢位新兵今季已入3粒。如果韦斯咸今仗赢波嘅话，比帅就会成为英超时代首位击败4名唔同红魔教头嘅主帅，佢无论执教曼城定韦斯咸，之前曾带队赢莫耶斯、尹戈尔及摩连奴3名前红魔教头，若果赢埋「苏B」就威到尽。况且「锤仔帮」近5次联赛喺主场迎战曼联，取得2胜2和仅1败，主场威力唔讲得笑，仲有得受让咁笋，让球主胜咪错过。
