推荐预测：曼城争做盃王扑击维拉

英格兰联赛盃决赛今晚爆发，阿士东维拉喺温布莱球场挑战衞冕嘅曼城！曼城今季矢志成为「盃赛三冠王」，今晚当然志在必得，维拉牌面输蚀兼状态低落，而且近4次对曼城更全输3球或以上，曼城让2/2.5球，上盘仍然值得捧场。

曼城衞冕英超机会名存实亡，球会早已转移目标做「盃赛三冠王」，佢哋于周中欧联16强首回合作客以2比1先赢皇马，晋级机会乐观，今晚係「盃赛三冠王」首部曲，当然不容有失。

「蓝月亮」领队哥迪奥拿其实相当重视今场决赛，始终袋咗一隻盃落袋最稳阵，所以早几日嘅欧联大胆收起晒几位主力，包括射手阿古路、史达宁、费兰甸奴同大衞施华，相信今晚即使只係面对英超排17嘅维拉，哥帅亦唔会掉以轻心，上述球员都会正选上阵，势以狮子扑兔姿态衞冕。

蓝月亮近4交手全部大胜

维拉晋级过程非常有运，8强抽中要踢世冠盃用青年军嘅利物浦，结果轻鬆5比0大胜晋级，但维拉今次面对曼城似乎就再冇偷鸡机会，尤其维拉近期状态颇差，近3战全败，今场爆冷机会甚微。睇埋往绩，曼城以往4次对维拉，全部赢3球或以上，包括1月时大胜6比1，摆明食住对手，今场就算让2/2.5球都可放心捧场。